Video: Hyderabad Metro
കൊച്ചി മെട്രോയിൽ ഒരുപാട് തവണ യാത്ര ചെയ്തിട്ടുള്ള ഞാൻ ഹൈദരാബാദിലെത്തിയപ്പോൾ മെട്രോ അന്വേഷിച്ച് ഇറങ്ങി. ഒരു ഓട്ടോ പിടിച്ച് ഇറും മൻസ്സിൽ എന്ന മെട്രോ സ്റ്റേഷനിൽ ഞങ്ങൾ എത്തിയത്. ചാർമിനാർ യാത്രയാണ് ഉദ്ദേശം. ടിക്കറ്റ് കൗണ്ടറിൽ വമ്പൻ ക്യൂ ആണ്. പേടിഎം ഫോൺ പേ വഴി ഒക്കെ ടിക്കറ്റ് ബുക്ക് ചെയ്യാവുന്നതുകൊണ്ട് രക്ഷപ്പെട്ടു. ടിക്കറ്റ് സ്കാനിങ് ഒരു പ്രത്യേക സംവിധാനത്തിലാണ് , പ്രത്യേക ബോക്സ് ഉള്ളതിനാൽ ബ്രൈറ്റ്നസ് കൂട്ടി ബുദ്ധിമുട്ടേണ്ട കാര്യമുണ്ടായില്ല. ഞങ്ങൾ വന്ന ഉടനെ തന്നെ മെട്രോ എത്തി. അതിൽ കയറി... എൻറെ അമ്മ മുടിഞ്ഞ തിരക്ക്. ഹൈദരാബാദിലെ മെട്രോയ്ക്ക് മൂന്ന് ലൈനുകൾ ഉണ്ട് ഗ്രീൻ-ലൈൻ റെഡ്-ലൈൻ ബ്ലൂ-ലൈൻ എന്നിങ്ങനെ, ഇവയെ തമ്മിൽ സന്ധിക്കുന്ന ചില ജംഗ്ഷനുകളും ഉണ്ട്. ഞങ്ങൾ അത്തരത്തിലുള്ള ഒരു ജംഗ്ഷനായ എംജി ബെസ്റ്റ് സ്റ്റേഷനിലാണ് ഇറങ്ങിയത്. ചാർമിനാറിലേക്ക് പോകാൻ ഇവിടെ നിന്നാണ് കൂടുതൽ സൗകര്യം. ജംഗ്ഷൻ എന്നുപറയുമ്പോൾ ചില മെട്രോ പ്ലാറ്റ്ഫോമുകൾ ഉയരത്തിലും മറ്റുള്ളത് താഴെയും ആണ് ക്രമീകരിച്ചത്, അതുകൊണ്ടുതന്നെ തടസ്സമില്ലാത്ത മെട്രോ യാത്ര സാധ്യം. ചാര്‍മിനാർ കണ്ട് മനസ്സ് നിറഞ്ഞ് ഞങ്ങൾ വീണ്ടും ഒരു മെട്രോ പിടിച്ച് ഇറും മൽസലിന് വന്നിറങ്ങി. കൊച്ചി മെട്രോയിൽ നിന്ന് ഹൈദരാബാദ് മെട്രോയെ വേർതിരിക്കുന്ന പ്രധാന കാര്യങ്ങൾ അതിലെ തിരക്ക് തന്നെ .. പിന്നെ മൂന്ന് മെട്രോ ലൈനുകളുടെ ആ ഒരു പരപ്പും..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ