റോയൽസ്

ആദ്യം നിറയെ വിജയമായിരുന്നു ..

മഴ ചാറിയപ്പോൾ നീയെൻ്റെ കുടയിൽ കയറിയിരുന്നു, 

കാൻ്റീനിൽ മസാല ദോശ കഴിക്കാൻ കൂടെ വന്നിരുന്നു,

നിലാവുള്ള രാത്രികളിൽ ഓർത്തു വിളിക്കാറുണ്ടായിരുന്നു..

പിന്നെപ്പിന്നെ വിജയം 

തലയ്ക്കു പിടിച്ചു...

ആദ്യ സെമസ്റ്റർ മാർക്ക് വല്ലാതെ കുറഞ്ഞപ്പോൾ നീ സൂചന തന്നു,

നൂറ്ററുപത് വേഗത്തിന്

പെറ്റിയടിച്ച കഥ പാട്ടായപ്പോൾ പിണങ്ങിയിരുന്നു, 

പാതിരാവേറിയിട്ടും, കൂടണയാത്ത ഇടറിയ കാലുകൾ 

നിന്നിലെ വെറുപ്പിനെ 

പരകോടിയിലെത്തിച്ചു..

..

ഇല്ല, 

തോറ്റോടാൻ ആളല്ല ഞാൻ 

അവസാന കളികൾ 

ഇനിയും ബാക്കി.....!