ഒരുത്തനും ഒരുത്തിയും

പണ്ട് ഒരുത്തന്‍ ഒരുത്തിയെ
ഒരുത്തി എന്നു വിളിച്ചു.
ഒരുത്തി ജനമധ്യത്തില്‍
ആ വിളിയേറ് കൊണ്ട്
ചോര പൊടിഞ്ഞുപിടഞ്ഞു....

പിന്നീട് വേറൊരുത്തന്‍
ഒരുത്തനെ ഒരുത്തന്‍ എന്നു വിളിച്ചു.
വിളിയേറ് കൊണ്ട ഒരുത്തന്‍
മിണ്ടാതിരുന്നു,
പിന്നെയോര്‍ത്തു
ഏത് കയറ്റത്തിനും ഒരിറക്കം കാണുമെന്ന്....

ആദ്യമായി പെണ്ണുകണ്ടപ്പോള്‍..

ആദ്യമായി പെണ്ണുകണ്ടപ്പോള്‍ എന്തുതോന്നി ?

ഒന്നും തോന്നിയില്ല,
പ്രത്യേകിച്ച് തോന്നിവാസങ്ങളൊന്നും.
കാല്‍‌വിരലിന്റെ അറ്റത്തുനിന്നും
ഉച്ചിയിലേക്ക് എന്തൊക്കെയോ
തിളച്ചുകയറുന്നുണ്ടായിരുന്നു.!

അല്ല, കൂടെവന്ന
നിനക്കെന്തെങ്കിലും തോന്നിയോ..??

തിരിച്ചുപോരുമ്പോള്‍
കാറിന്റെ മുന്‍ സീറ്റിലിരുന്നിട്ടും
എന്റെ മുഖത്തേക്ക്
ആ പെണ്‍കുട്ടി വീട്ടിനകത്തെ
വാഷ്ബേസിനില്‍ ഓക്കാനിച്ചു
ചര്‍ദ്ദിക്കുന്നതിന്റെ ചീളുകള്‍
തെറിക്കുന്നുണ്ടായിരുന്നു.!!