പകലു കാണാത്ത
ദിനങ്ങളുടെ അളവ് കൂടിയിട്ട്
പതിനഞ്ച് വർഷം...
കുമിഞ്ഞുകൂടുന്നതെല്ലാം
ഇരുന്നു തീർത്തിട്ടും,
പറഞ്ഞുതീരാ പഴികളിലലഞ്ഞിട്ട്
പതിനഞ്ച് വർഷം...
അറിയാവുന്നതെല്ലാമൊഴിച്ച്,
അറിയാത്ത ചോദ്യവുമായി
വരുന്നോർക്കുമുന്നിൽ
അരികുപൊട്ടി നിൽക്കാൻ തുടങ്ങിയിട്ട്
പതിനഞ്ച് വർഷം...
കരളിലുണ്ടായിരുന്നൊരിത്തിരി
കവിത പോലും
കരുണയേതുമില്ലാതെ
പറന്നകന്നതോർത്തിട്ട്
പതിനഞ്ച് വർഷം...
ആരുമല്ലെന്നും, ആരുമില്ലെന്നും
പേർത്തും പേർത്തുമോർമിപ്പിച്ച്,
പറയാൻ മറന്ന നൊമ്പരങ്ങളുടെ പടുകൂടാരം തീർത്തിട്ടിന്നേക്ക്
പതിനഞ്ച് വർഷം....
/പതിനഞ്ച് / ലിനേഷ് നാരായണൻ/
(In memory of 15 years service in Indias largest organisation )