സെക്കൻ്റ് ഹീറോ

ശരിക്കും രണ്ടാമത്തെ ഒരു ഞാനുണ്ട്,

ഒന്നാമത്തേതിൽ നിന്നും 

തീർത്തും വ്യത്യസ്തനായി.

പണ്ടത്തെ അതേ ലൈനാണ്...

"ഒന്നായനിന്നെയിഹ.."

ഒന്നാമൻ അടച്ചിട്ട 

ദുഷിപ്പുകൾ പുറത്ത് കാട്ടാതെ 

"മാന്യ"നായിരുന്നു ചിന്തിക്കും,

രണ്ടാമൻ ഒരു മണ്ടൻ.

അവൻ വായിൽ തോന്നിയത് 

വിളിച്ചു പറയും,

റിയൽ ആയിരിക്കാൻ ശ്രമിക്കും,

കോമാളിത്തരങ്ങളും 

മണ്ടത്തരങ്ങളും ചെയ്യും..

കാലാന്തരത്തിൽ

ഒന്നാമൻ ഇണ്ടൽ കയറി

രണ്ടാമനാവാൻ കൊതിച്ചുതുടങ്ങി...

അപ്പോഴേക്കും

കാതങ്ങൾ ഏറെ 

കഴിഞ്ഞു പോയിരുന്നു...