സെക്കൻ്റ് ഹീറോ

ശരിക്കും രണ്ടാമത്തെ ഒരു ഞാനുണ്ട്,

ഒന്നാമത്തേതിൽ നിന്നും 

തീർത്തും വ്യത്യസ്തനായി.

പണ്ടത്തെ അതേ ലൈനാണ്...

"ഒന്നായനിന്നെയിഹ.."

ഒന്നാമൻ അടച്ചിട്ട 

ദുഷിപ്പുകൾ പുറത്ത് കാട്ടാതെ 

"മാന്യ"നായിരുന്നു ചിന്തിക്കും,

രണ്ടാമൻ ഒരു മണ്ടൻ.

അവൻ വായിൽ തോന്നിയത് 

വിളിച്ചു പറയും,

റിയൽ ആയിരിക്കാൻ ശ്രമിക്കും,

കോമാളിത്തരങ്ങളും 

മണ്ടത്തരങ്ങളും ചെയ്യും..

കാലാന്തരത്തിൽ

ഒന്നാമൻ ഇണ്ടൽ കയറി

രണ്ടാമനാവാൻ കൊതിച്ചുതുടങ്ങി...

അപ്പോഴേക്കും

കാതങ്ങൾ ഏറെ 

കഴിഞ്ഞു പോയിരുന്നു...

പിണക്കം 2.0

പിണക്കം ആന്തരികമാണോ?

അതോ

സർഗാത്മകമാണോ?...

പക്ഷേ

അത് കൂടുതൽ റിയലിസ്റ്റിക്കാണ്...!

അപ്പോൾ മാത്രമാണ് 

ഞാൻ ഞാനാകുന്നതും, 

നീ നീയാവുന്നതും...

എൻറെ അന്തരാത്മാവിനെ 

പിണക്കത്തിലൂടെ റിയലിസ്റ്റിക്കായി 

വല്ലപ്പോഴുമൊക്കെ

പുറത്ത് കാട്ടാറുണ്ട്,

ആ മാത്രയിൽ

അത് വല്ലാതെ 

സർഗ്ഗാത്മകമാകാറുമുണ്ട്....!!

സ്മൈലി

ചില ദിവസങ്ങളെ നശിപ്പിക്കാൻ

വെറുമൊരു സ്മൈലിക്ക് പോലുമാവും🙄

പ്രിയപ്പെട്ടവരുടെ ഗ്രൂപ്പിൽ 

അറിയാതെ കൈ തട്ടി വീണ്,

നമ്മളെ പതിയിരുന്ന് അത് ആക്രമിക്കും..😮‍💨

"Delete for everyone" ന് പകരം

"Delete for me" മാത്രം കൊടുത്ത്

പൊലിപ്പിക്കുകയും കൂടെ ചെയ്താൽ

എല്ലാം ശുഭം...😥😥

പതിന്നാലു വർഷം

കാവ്യപൂർവ്വമീ

പതിന്നാലുവർഷങ്ങൾ

ജാനകീ നീയെൻ്റെ ചാരെ നിന്നോ.!

കാലമാം

മാരീചനെത്തുന്നനേരത്തും

മാനുഷരാമനായ് കൂടെ ഞാനും..!

കയറുക

പുഷ്പകയാനത്തിലിന്നു നീ,

മിഴികൾ പാർക്കാം...

കുശലവ 

വാടിയിൽച്ചെന്നു 

മിഴികൾ പാർക്കാം...!

അന്ന് ആഗസ്റ്റ് 9ന്

വലതു കൈയിൽ, 

പൂക്കളുള്ള വെളുത്തചരട് വെച്ചവൾ 

ഇടതു കൈ എൻനേർക്കു നീട്ടി... 

 

ഏതോ ചോദ്യത്തിൻ്റെ 

ഉത്തരമെന്ന പോൽ മൊഴിഞ്ഞു, 

ഒന്നുകിൽ നീ പ്രവർത്തിക്കണം, 

അല്ലെങ്കിൽ ഞാൻ മരിക്കണം...

പ്രണയം കൊടുമ്പിരിക്കൊണ്ട

നാളുകളിലൊക്കെ 

മരണമായിരുന്നു ചുറ്റിലും..

 

"നിന്നെ കിട്ടിയില്ലെങ്കിൽ ഞാൻ മരിക്കും

നമുക്ക് ഒരുമിച്ച് മരിക്കാം, 

നീ അവന്റെ കൂടെ പോയാൽ ഞങ്ങൾ മരിക്കും"

അങ്ങനെ എത്രയെത്ര മരണം...

വളർത്തി വലുതാക്കിയ 

കണക്കിന് മുന്നിൽ നീ തോറ്റപ്പോൾ, 

മരണത്തിന് പോലും വിലയില്ലാത്തവനായ്

ഞാൻ തിരിച്ചു നടന്നു...

I quit..🙄

.

#lineshnarayanan 

#malayalam

ചിലർ

ചിലർ പണ്ട് എന്നെ അങ്ങ് തഴഞ്ഞിരുന്നു

അന്ന് ഞാൻ നല്ലവണ്ണം പാട്ടുപാടുകയും,

കഥയെഴുതുകയും, കവിത ചൊല്ലുകയും ഒക്കെ ചെയ്തിരുന്നു...

"പോയി പണി നോക്കെടാ"

എന്ന് ഞാനും അവരോട് പറഞ്ഞു...

കാലം ഒരുപാട് കഴിഞ്ഞു

ഇപ്പുറം, അന്ന് എന്നെ തഴഞ്ഞവർ 

എത്ര ദീർഘവീക്ഷണം 

ഉള്ളവരായിരുന്നു എന്ന്

ഇന്ന് ഞാൻ ഓർക്കേണ്ടിയിരിക്കുന്നു...

പതിനഞ്ച്

പകലു കാണാത്ത 

ദിനങ്ങളുടെ അളവ് കൂടിയിട്ട് 

പതിനഞ്ച് വർഷം...

കുമിഞ്ഞുകൂടുന്നതെല്ലാം 

ഇരുന്നു തീർത്തിട്ടും,

പറഞ്ഞുതീരാ പഴികളിലലഞ്ഞിട്ട്

പതിനഞ്ച് വർഷം...

അറിയാവുന്നതെല്ലാമൊഴിച്ച്,

അറിയാത്ത ചോദ്യവുമായി 

വരുന്നോർക്കുമുന്നിൽ 

അരികുപൊട്ടി നിൽക്കാൻ തുടങ്ങിയിട്ട്

പതിനഞ്ച് വർഷം...

കരളിലുണ്ടായിരുന്നൊരിത്തിരി 

കവിത പോലും

കരുണയേതുമില്ലാതെ

പറന്നകന്നതോർത്തിട്ട്

പതിനഞ്ച് വർഷം...

ആരുമല്ലെന്നും, ആരുമില്ലെന്നും 

പേർത്തും പേർത്തുമോർമിപ്പിച്ച്,

പറയാൻ മറന്ന നൊമ്പരങ്ങളുടെ പടുകൂടാരം തീർത്തിട്ടിന്നേക്ക്

പതിനഞ്ച് വർഷം....

/പതിനഞ്ച് / ലിനേഷ് നാരായണൻ/

(In memory of 15 years service in Indias largest organisation )

ബ്ലോക്ക്

ശരവേഗത്തിലാണ്

ആലുവയിൽ നിന്ന്
ഇടപ്പള്ളിയിലെത്തിയത്...

ലിഫ്റ്റിന്റെ ശൂന്യതയിൽ
ഓർമ്മകൾക്ക് തിപ്പിടിച്ചു ...

ഇന്ന് കളമശ്ശേരി ബ്ലോക്ക് ഉണ്ടായില്ലല്ലോ ...?

മരവിച്ച ശരീരം കൊണ്ട് സന്തോഷം വിറ്റ് ജീവിക്കുന്നവരെ 
ലോറിക്കൂട്ടത്തിൽ
തിരഞ്ഞ് നെടുവീർപ്പിടാൻ പറ്റിയില്ലല്ലോ ...!

അരിച്ചുകയറുന്ന പുകമണത്തിന്നിടയിൽ
ഇരച്ചു കയറുന്ന
അൽഫഹാമിൻ്റെ മണം
വായിൽ
വെള്ളമൂറ്റിയില്ലല്ലോ .!

ഭാഗ്യത്തിന്റെ ബംബർ വിൽക്കുന്നവനെയും,
ബ്ലോക്കിനുള്ളിൽ വസന്തം വിരിയിക്കുന്ന
മറുനാടൻ വിൽപ്പനക്കാരിയെയും
കണ്ടില്ലല്ലോ..!

ചായക്കടയിൽ
പ്രണയിച്ചിരിക്കുന്നവരുടെ
കുസൃതി കണ്ടില്ലല്ലോ ...

.........

പെട്ടന്നെപ്പോഴോ
വൈദ്യുത പ്രവാഹമടഞ്ഞു
ലിഫ്റ്റെവിടെയോ പെട്ടു ..

ഒരു മനുഷ്യനെ കണ്ടിരുന്നെങ്കിൽ ...!!

/ ബ്ലോക്ക് /ലിനേഷ് നാരായണൻ/

#കവിത #മലയാളകവിത
#poem #malayalam #lineshnarayanan

ഓണത്തിന് എന്തുണ്ട്?

ഓണത്തിന് എന്തുണ്ട് ....?

ഓണസദ്യയുണ്ട് 

പാൽപായസ മധുരമുണ്ട്

പൂക്കളത്തിൻ ഭംഗിയുണ്ട്

പൂങ്കിനാവ് കണ്ട് 

പൂവിലാകെയുണ്ട്

തേൻനുണയും വണ്ട്

പണ്ട് ..മാവേലിയുണ്ട്

മാളോകർക്കുള്ളിലുണ്ട്

നന്മയുള്ള ചെണ്ട്

താളമുണ്ട് മേളമുണ്ട്

പുലികളിയാമോളമുണ്ട്

തൃക്കാക്കരയപ്പനുമുണ്ട്

വള്ളംകളി മേളമുണ്ട്

ഉത്രാട പാച്ചിലുണ്ട്

ഓണത്തിരുതകൃതിയുണ്ട്

ഞാൻ

പുതിയ ഞാൻ

സൗഹൃദമില്ലാത്തവൻ

ആർക്കും മനസ്സിലാവാത്തവൻ

ആരും മനസ്സിലാക്കാത്തവൻ..

പഴയ ഞാൻ

എഴുതാൻ കൊതിച്ചവൻ

പാടാൻ കൊതിച്ചവൻ

പറക്കാൻ കൊതിച്ചവൻ

90's കിഡ്സ്

ചങ്കുകളോടൊപ്പം ചേർന്ന്

തള്ളിയവരെയൊക്കെ

കൂകിയോടിക്കുവാൻ 

ആരാണ് കൊതിക്കാത്തത്...?

അടക്കിവെച്ച നൊമ്പരക്കടലിൽ 

ഒരു വൻ തിരയായി തീരുവാൻ,

ഒന്നാർത്തു വിളിക്കുവാൻ ആരാണാഗ്രഹിക്കാത്തത്....?

പറയാനാകാതെ ഒതുക്കിയ  വാക്കുകൾ 

എന്നെങ്കിലും ഒരു തീ മഴയാകണമെന്ന്

ആരാണ് സ്വപ്നം കാണാത്തത്...?

എത്ര പറഞ്ഞാലും കൊള്ളാത്തവരുടെ

ഹൃദയത്തിലേക്കൊരു കൊള്ളിയാനായി 

തുളച്ചു കയറുവൻ ആരാണ്

തക്കം പാർക്കാത്തത്...?

പണ്ട് കൊണ്ടാടിയ പൂക്കാലമത്രയും,

ഒരു പൂമ്പാറ്റയായ് വന്നുചേർന്നാൽൽ

ആരാണ് തുള്ളിച്ചാടാത്തത്.... !!

.

#RahulDravid #T20WC2024 #T20WorldCup2024 #viratkohli #rohitsharma #SanjuSamson