നോട്ടം ലക്ഷ്യത്തിലെത്തുന്നില്ല
എന്ന് പരിതപിച്ചിരിക്കുമ്പോളാണ്
ശരവേഗത്തില്‍ ഒരു കടവാതില്‍
എന്‍റെ കണ്‍ മുന്നില്‍ പല്ലിയെ റാഞ്ചിയത്
അതിനും മുന്‍പ്,
നാക്ക് വളയുന്നില്ല എന്ന്
നിലവിളിച്ചപ്പോഴാണ് ആ പല്ലി
ഉന്നം പിടിച്ചൊരു നിശാശലഭത്തെ
വായിലാക്കുന്നത് കണ്ടത്.
ഇങ്ങനെ, വളയാത്ത നാക്കിനും
ലക്ഷ്യത്തിലെത്താത്ത നോട്ടത്തിനും
മീതെ പലതും നടക്കുമ്പോള്‍,
വേരുറച്ച കസേരയുടെ കാലുതല്ലിയുടച്ച്
ലക്ഷ്യമേതുമില്ലാതെ ഏതോ പാതയിലൂടെ
എന്‍റെ നാക്ക് പണയപ്പെടുത്തി
ഞാന്‍ നടന്നുതുടങ്ങി..
മനോഹരം സുഹ്രുത്തെ ഹ്രുദയം നിറഞ്ഞ അഭിനന്ദനങ്ങൾ
മറുപടിഇല്ലാതാക്കൂകടവാതിലിനും, പല്ലിക്കും
മറുപടിഇല്ലാതാക്കൂവിശപ്പെന്ന മാര്‍ഗ്ഗത്തിലൂടെ
ഇരയെന്ന ലക്ഷ്യം
സഹ്യന്റെ ലക്ഷ്യമില്ലാത്ത യാത്രയും
ലക്ഷ്യത്തിലേയ്ക്കാവട്ടെ
ആശംസകള്‍